VERMÚ EN "LA VAINA"

Hoi fui a "La Vaina" a tomar el vermú y acabé dedicando llibros. Un placer.

SEMEYES TOMA 3

Jose Rivera, amás de dexame tol so archivu fotográficu pa dibuxar "La Chelita", fexo estes semeyes na presentación del llibru'l martes 11 d'avientu nel "Toma 3" de Xixón.

Respondiendo a les preguntes de Tono.

Falando con Charo al lláu.

Charo pensando: -¿Qué diz esti? 

Charo.

Charo pensando: - Eso tuvo gracia.

Charo pensando: -¿Quíto-y el ron o quíto-y el micro?

LA CHELITA NEL TRISQUEL Y CIAÑU

Pues eso.

-Martes 18 d'avientu "Café Trisquel" 20.00 h.
c/ Marqués de San Esteban 30 Xixón
venta y dedicatoria d'exemplares


-Miércoles 19 d'avientu "Casa de los Alberti" 20.00 h.
Ciañu / Llangréu
charra, proyección, venta y dedicatoria d'exemplares

LA SELMANA QU'ENTRA MÁS CHELITA

Pa la selmana qu'entra, taré nos llugares que siguen darréu:

-llunes 10 d'avientu "El Cafetón" a les 20.00 h.
c/ Del Sol 8 Avilés
venta y dedicatoria d'exemplares

-martes 11 d'avientu "Toma 3" a les 21.00 h.
c/ Marqués de Casa Valdés 27 Xixón
Presentación oficial en Xixón
Charra, proyección, venta y dedicatoria d'exemplares
col sofitu de CODOPA (coordinadora d'ONG's d'Asturies)

-miércoles 12 d'avientu "Malayerba" a les 20.30 h.
c/ Alfonso III El Magno / Uviéu
Presentación oficial n'Uviéu
Charra, proyección, venta y dedicatoria d'exemplares

LA CHELITA ECHA ANDAR

Too mui prestoso estos dos díes. Yá toi faciéndome a dibuxar delantre la xente, antayer en "La Vaina" y ayer en "La Vida Alegre" tuve dende les 20.00 h. hasta la 1.00 h. ensin parar. Gracies a toos los que vos averastis perehí y que vos preste'l llibru.

RUMA

4 d'avientu 2012 Firmando en "La Vaina" c/ Cervantes 20 Xixón

5 d'avientu 2012 Firmando en "La Vida Alegre" c/ Buen Suceso 8 Xixón

ADELANTU DE LA SEGUNDA PARTE

Como yá comenté nes entraes anteriores, el llibru tien tres partes "El Salvador", "La Chelita" y "1992". La segunda parte "La Chelita", cunta la esperiencia de la protagonista como cooperante nel país tres la guerra. Estes 3 páxines correspuenden a la segunda parte y van na metá'l llibru, cuando Charo entama a trabayar pal "Centru pa la Promoción de los Drechos Humanos Madeleine Lagadec" na ellaboración del Informe pa la "Comisión pa Verdá n'El Salvador".

ADELANTU DE LA PRIMER PARTE

Voi dir adelantando daqué del llibru. Tien tres partes "El Salvador", "La Chelita" y "1992", per esti orde. La primer parte "El Salvador"arranca cuntando como entama'l proyectu mesmu, la mio desconocencia del país y un repasu históricu del mesmu, solliñando los años de la guerra civil de 1980 a 1992. Estes son les 4 primeres páxines de la primer parte. Que vos presten.

SINOPSIS

A lo llargo la década de los 80 del sieglu XX, muncha xente mozo europeo volcóse na cooperación internacional, col idealismu y la solidaridá por bandera y cierta inxenuidá en munchos casos. 

En xineru de 1992 fírmense los alcuerdos de paz de Chapultepec que ponen fin a la guerra civil qu’asolara El Salvador a lo llargo de 12 años.

Charo, una psicóloga salmantina recién llicenciada, viaxa al país centruamericanu col envís de formar mayestros. La casualidá acaba llevándola a trabayar pa la organización pro drechos humanos Madeleine Lagadec na ellaboración del Informe pa la Comisión de la Verdá pa El Salvador  de les Naciones Xuníes.

Un viaxe personal pela historia más tráxica d’El Pulgarcito d’América llatina.Testimonios autobiográficos, esperiencies humanes cola guerra y cola paz.

Dibuxu qu'apaez na contraportada de "La Chelita".

PA IMPRENTA

-Llevo casi dos años trabayando nun nuevu proyectu "La Chelita. El Salvador 1992", qu'ayer mesmo entró n'imprenta. Entamo esta sección pa dir dando información d'esti nuevu llibru. De mano déxovos equí un anunciu.